【輸打贏要的內木一郎】
連日來，大家一直是其是，非其非咁同內木一郎嘅黨羽展開討論。
當中不論係寫歌詞技巧定係為人處事，都已經討論到內木一郎嘅黨羽啞口無言。
可惜嘅係，無論大家幾理智地回應幾多次，內木同佢嘅黨羽都好似視而不見咁，無法反駁之時，只好不斷重覆一堆不帶論據嘅論點。
內木一郎 （Chi Chung Woo）
最新回應依然係好友限定，依然唔敢當面對質，依然唔敢接受公論。
http://holland.pk/up…/…/ad456b856d53b3ff80394999408f5233.jpg
http://holland.pk/up…/…/dc0288e11a2287ceb488f04d4a522160.jpg
今次內木一郎嘅千字文，比上一篇更易令人發笑。就等挽歌帶大家睇下今次嘅千字文入面，古惑狼又有幾古惑啦！
內木一郎於千字文開首已經開始搏同情，並指出喺今次事件上支持挽歌嘅朋友仔「無心講道理」，真係三隻蝦。又唔指出點樣唔講道理，又用「紅衛兵」同「人海戰」等等嘅字眼去妖魔化一班一直耐心討論嘅朋友仔。
一直唔承認錯誤，仲要故作可憐，先係真正嘅轉移視線。
１）挽歌迴避「是否涉抄襲」？
出咗兩個post都係指責緊你屈我，兩個post都用理據分析講緊我「絕無抄襲」。你嘅閱讀理解能力去咗邊？你肯定迴避嘅係我？而唔係你果對生喺頭頂嘅眼？
２）文學問題（？）
所謂歌詞脈絡與技巧，我一早喺上兩個post同埋回覆區回應過好多好多次，回覆嘅朋友們亦都討論咗好長嘅篇幅。但內木一郎依然堅持用自己把「尺」去量度人，無視曬我同留言區朋友嘅回應同分析。
３）宣揚同人詞credit之義？
原來你都有偉大嘅一面？我無對號入座，只係見你抹黑曬所有喺討論區嘅朋友，post出來俾大家睇下，等大家估下你日日打千字文影射同抽擊緊邊個。我點敢話你講緊我呀，你咁叻「拒認」。
４）挽歌部署攻擊你？
你最好笑係呢個point，特別令人費解嘅係，內木一郎居然自我中心地認為，挽歌喺今次事件上有多人支持，多人讚好，多人分享，會變成挽歌嘅「部署」？唔通你真係唔知，有好多人真心不齒你內木一郎嘅所作所為嗎？
是非自有公論，如果我講嘢好似你內木一郎咁私私縮縮，指控軟弱無力，相信我講乜嘢，都唔會有人支持。
事實係如果你真係無錯，就唔會咁多人留言為我抱打不平。
又同大家講個例子。
Tom係一個詆毀狂，好多人被佢詆毀過，紛紛放出證據，而一眾明眼人都不齒Tom嘅行為。
但Tom居然反過來轉移視線，話自己係雞蛋，而指責佢嘅人係高牆。如此本末倒置，真係唔係個個都咁無恥做得出。
呀Tom，呃唔係，內木一郎，人地唔鍾意你，一定係人地問題，你從來無諗過係自己問題？
世界唔會圍住你轉架，回頭是岸呀。
５）其他人對內木一郎嘅指控
我唔清楚動漫界同配音界嘅事，但至少人地指控你，係有證有據。
你詆毀受害人A，搞到你前公司tvb要向受害人道歉，封道歉信仲喺人地手上。
(受害人已把證據與道歉信於回覆區貼出，請大家細閱)
你又詆毀受害人B，話人虧空公款，而銀行證明仲喺人地手上，一早自證清白。
(受害人已於回覆區提及來龍去脈，請大家細閱)
你再詆毀受害人C，令佢填嘅作品加上咗你嘅名，抹剎佢努力。
(受害人已於數日前挽歌的聲明post中現身說法，請大家細閱)
內木一郎，你而家仲詆毀埋我？？？
所有人講嘢都有證有據公開講，你講嘢就永遠縮喺自己個圈圈度玩好友限定，日日用「涉嫌」同「拒認」去單方面抹黑人。
大個仔喇，古惑狼，唔好再輸打贏要啦，好嗎？
Search